-ಬೇರೆ ಕಡೆ ಖಾಲಿ ಸೀಟು ಇದ್ದರೂ ಒಂದೇ ಸೀಟಿಗಾಗಿ ಗಲಾಟೆ
ನವದೆಹಲಿ: ದೆಹಲಿ ಮೆಟ್ರೋದಲ್ಲಿ (Delhi Metro) ಮಹಿಳೆಯರಿಬ್ಬರು ಒಂದೇ ಸೀಟಿಗಾಗಿ ಜುಟ್ಟು ಹಿಡಿದು ಜಗಳವಾಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ದೆಹಲಿಯ ನೇರಳೆ ಮಾರ್ಗದ (Violet Line) ಬದ್ಖಲ್ ಮೋರ್ ನಿಲ್ದಾಣದ ಬಳಿ ಈ ಘಟನೆ ನಡೆದಿದೆ. ಒಂದು ಸೀಟಿಗಾಗಿ ಆರಂಭವಾದ ವಾಗ್ವಾದ ಗಲಾಟೆಯಾಗಿ ಪರಿವರ್ತನೆಯಾಯಿತು, ಅಲ್ಲಿಂದ ಪರಸ್ಪರ ಕೂದಲು ಎಳೆಯುವುದು, ಹೊಡೆಯುವುದು, ನೂಕಾಡುವುದನ್ನು ಮಾಡಿದರು. ಜೊತೆಗೆ ಕುಸ್ತಿಯಾಡುವಾಗ ಒಬ್ಬರ ಮೇಲೆ ಇನ್ನೊಬ್ಬರು ಬೀಳುವಂತೆ ಜಗಳವಾಡಿದರು. ಈ ವಿಡಿಯೋವನ್ನು ಅಲ್ಲಿಯೇ ಇದ್ದ ಪ್ರಯಾಣಿಕರೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದನ್ನೂ ಓದಿ : ಮಾರುತಿ ಸುಜುಕಿಯ ಮೊದಲ ಇವಿ ವಾಹನ ಇ-ವಿಟಾರ ರಫ್ತಿಗೆ ಪ್ರಧಾನಿ ಮೋದಿ ಚಾಲನೆ
ಮೆಟ್ರೋ ಯಾವಾಗಲೂ ಮನರಂಜನೆ ನೀಡುತ್ತದೆ ಎಂದು ಬರೆದುಕೊಂಡಿದ್ದು, ಮೆಟ್ರೋದಲ್ಲಿ ಇನ್ನೂ ಹಲವಾರು ಸೀಟುಗಳು ಖಾಲಿಯಿದ್ದರೂ ಕೂಡ ಈ ಇಬ್ಬರು ಮಹಿಳೆಯರು ಒಂದೇ ಸೀಟಿಗಾಗಿ ಹೊಡೆದಾಡಿಕೊಂಡಿದ್ದಾರೆ, ಇನ್ನೂ ಕೆಲವರು ಕಾಮೆಂಟ್ ಮಾಡಿದ್ದು, ದೆಹಲಿ ಮೆಟ್ರೋ ಯಾವತ್ತಿಗೂ ಜನರನ್ನು ನಿರಾಶೆಗೊಳಿಸುವುದಿಲ್ಲ ಎಂದು ಉಲ್ಲೇಖಿಸಿದ್ದಾರೆ.
ಇನ್ನೂ ಇತ್ತೀಚಿಗಷ್ಟೇ ದೆಹಲಿ ಮೆಟ್ರೋ ರೈಲು ನಿಗಮವು 2017ರ ನಂತರ 8 ವರ್ಷಗಳ ಬಳಿಕ ಮೆಟ್ರೋ ಪ್ರಯಾಣ ದರವನ್ನು 1ರಿಂದ 4 ರೂ.ವರೆಗೆ ಏರಿಕೆ ಮಾಡಿದೆ. ವಿಮಾನ ನಿಲ್ದಾಣ ಎಕ್ಸ್ಪ್ರೆಸ್ ಮಾರ್ಗದಲ್ಲಿ ಮಾತ್ರ 5 ರೂ.ಗೆ ಹೆಚ್ಚಿಸಿದೆ. ಕನಿಷ್ಠ 11 ರೂ.ನಿಂದ ಗರಿಷ್ಠ 64 ರೂ.ಗೆ ಪ್ರಯಾಣ ದರ ನಿಗದಿಯಾಗಿದೆ.
