ಬಂಟ್ವಾಳ ತಾಲೂಕಿನ ಕುದ್ರಬೆಟ್ಟು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮಂಗಳೂರು ಸ್ನೇಹ ಸಮ್ಮಿಲನ ತಂಡ ರಾಷ್ಟ್ರೀಯ ಸೇವಾ ಯೋಜನೆಯ ಹಳೆ ವಿದ್ಯಾರ್ಥಿ ಗಳ ಸ್ವಯಂ ಸೇವಕರ ತಂಡದಿಂದ ಎರಡು ದಿನದ ವಾರ್ಷಿಕ ವಿಶೇಷ ಶಿಬಿರ ನಡೆಯಿತು.
ಈ ಸಂದರ್ಭದಲ್ಲಿ ಸ್ವಯಂಸೇವಕರಿಂದ ಶಾಲೆಗೆ ವಿಶೇಷ ತರಕಾರಿ ಕೈತೋಟವನ್ನು ರಚಿಸಿಕೊಡಲಾಯಿತು.
ಮಕ್ಕಳಿಗೆ ಶುದ್ಧ ನೀರಿನ ಘಟಕವನ್ನು ಕೊಡುಗೆಯಾಗಿ ನೀಡಿ ಶಾಲೆಗೆ ಹಸ್ತಾಂತರಿಸಲಾಯಿತು.
ಸಭಾ ಕಾರ್ಯಕ್ರಮದಲ್ಲಿ ಸಮಾಜ ಸೇವೆಗಾಗಿ ಚಿಂತು ಸುಳ್ಯ ಅವರನ್ನು ಸಮ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ಕುದ್ರೆಬೆಟ್ಟು ಶಾಲಾಭಿವೃದ್ಧಿ ಸಮಿತಿಯ ಅಧ್ಯಕ್ಷ ವಿಠಲ, ಮಾಜಿ ಪಂಚಾಯತ್ ಸದಸ್ಯ ಸುಂದರ ಸಾಲಿಯಾನ್, ಮಣಿಕಂಠ ಭಜನಾ ಮಂದಿರದ ಅಧ್ಯಕ್ಷ ಲೋಕನಂದ ಏಳ್ತೀಮಾರ್, ಶಾಲಾ ಮುಖ್ಯ ಶಿಕ್ಷಕಿ ದೇವಿಕಾ, ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಶಿವರಾಜ್, ಅಂಗನವಾಡಿ ಶಿಕ್ಷಕಿ ಸುರೇಖ, ಏನೇಪೋಯ ಮಂಗಳೂರಿನ ಗಾರ್ಡನ್ ಪರಿವೀಕ್ಷಕರಾದ ಹಂಸ ಉಪಸ್ಥಿತರಿದ್ದರು.
ಸಮೃದ್ಧ ಪ್ರಾರ್ಥಿಸಿ, ಪ್ರಥಮ್ ಸ್ವಾಗತಿಸಿ, ಸ್ನೇಹ ಸಮ್ಮೇಳನದ ಮುಖ್ಯಸ್ಥರಾದ ನಾಗರಾಜ್ ಕಾರ್ಯಕ್ರಮದ ಬಗ್ಗೆ ಪ್ರಾಸ್ತವಿಕ ಮಾತನಾಡಿದರು.
ನಿತಿನ್ ವಂದಿಸಿ, ಸುಶ್ಮಿತಾ ಕೆ ಕಾರ್ಯಕ್ರಮ ನಿರೂಪಿಸಿದರು.
